جريدة أخبار العالم مكتب تونس
كتب عبدالله القطاري
قصيد للشاعر الشعبي الفحل الحبيب الميساوي:
..
..وعديتهم وحسبتهم بالعد
……………زادواعلي العدد
نا ديتهم ماالقيت حتي حد
…….وعديتهم……
حسبتهم ……احبابي……
وسجلت عناوينهم في كتابي..
زاد العدد شطرين فوق حسابي…
خوت المحبه والغلا والود..
اهلي وذراعي مبجلين اصحابي..
خيمة ملاذي في الجفاء والجد…
…….وعديتهم……
………خوت الموده……
فراسين غاره وقت اللزز والفده…
يجلواضباب الغيم يوم الرده….
يوم الصهيد في العليق يشد…
يوم النكد والضيم يوم الشده…
هم فزعتي علي العدو والضد…
……..وعديتهم…..
…….علي العدو تكاتفنا
صفحه بيضه ناصعه تعارفنا….
هكاك كانت حياتنا بشرفنا….
شعارنا خيان….زجر ومد…
رحيق المحبه من النوار قطفنا….
…وزرعنا بساتين…..فل وورد..
………وعديتهم……
……..ظنيتهم حبوني…….
نودهم بالخير ويودوني….
عطر المحبه الصادقه يهدوني….
ولانوقف هاوي علي الهواء نتهد…
يوم الزلق ناديتهم ما جوني…
تلمست ما القيت حتي حد…..
……وعديتهم……
….لقيت روحي براسي……
كان قلمي ودوايتي وكراسي…..
وريحة خميره فايضه في كاسي…
وخيمه منصوبه والزرابي جدد…
وحتي التالقه زايده علي اكياسي…
قمحي سوس من السخانه قند…
……..وعديتهم……
…في القمح صافي نوازي…..
اللي يفضل فيه بركه يزازي….
نلقي الشتله مهرونه لبازي….
نخرها الهجين غمها ورقد…
طلعت الحسبه كلهم كوازي…
قنطاس خاوي واقف بلا وتد
……..وعديتهم……
……..بلا وتد علي الهافي….
لا حد باهي رفيق قلبو صافي..
الفم يضحك..والمخزون نفنافي…
الزاوش يخطف والبريح ع الترد…
خوكم تحاز بين زوز عوافي….
واللي صارلي ما صار الحد…
…….وعديتهم……
……..ثم ناس رفاقه… .
يصادقوك ويرافقوك حذاقه…
مبدعين للقافيه عشاقه….
نظافه ورهافه والكلام شهد…
وثم ناس مسكرين صرفاقه….
وحتي المنظر ممسوخ زي القرد…
……..وعديتهم….
……وثم ناس خفيفه….
من منبع لشراف بالشرف شريفه..
يفرح ويبشر بالكرم والضيفه…
مصواب عاتي بوهرتو ويقد..
وثم ناس مستكرشين وجيفه…..
حرام عليهم حتي السلام ترد…
……..وعديتهم..
…….وثم ناس يصلوا……
يتظاهروا وبسبحوا ويهلوا..
عقب التماسي يتبدلوا يتسلوا…
يسلبوا وينهبوا كل من رقد….
وثم ناس مبدعين يدلوا….
يزرعوا البسمه والحنان والود…
……وعديتهم… يتبع……
…وعديتهم…..
